গোলাঘাট জাতীয় বিদ্যালয়ৰ ৰূপালী জয়ন্তী উদযাপনৰ শুভাৰম্ভণী অনুষ্ঠানৰ তিনিদিনীয়া বৰ্ণাঢ্য কাৰ্যসূচীৰ অন্ত পৰে 5 জানুৱাৰীত। উক্ত দিনা গোলাঘাট জাতীয় বিদ্যালয়ৰ প্ৰতিষ্ঠা দিৱস পালন কৰা হয়। লগতে গুৰু প্ৰণাম বেদী আৰু স্মাৰক সৌধৰ আধাৰশিলা স্থাপন কৰা হয়। পৰৱৰ্তী কাৰ্যসূচীত অনুষ্ঠিত কৰা হয় এক স্মাৰক বক্তৃতা অনুষ্ঠানৰ য'ত গোলাঘাট জাতীয় বিদ্যালয়ৰ অন্যতম প্ৰতিষ্ঠাপক প্ৰয়াত অজিত বৰুৱা স্মাৰক বক্তৃতা প্ৰদান কৰে বিশিষ্ট সাহিত্যিক, কথা শিল্পী ড০ নন্দ সিং বৰকলাই। বিয়লিলৈ বিদ্যালয় খনৰ প্ৰাক্তন শিক্ষাৰ্থী মঞ্চৰ উদ্যোগত অনুষ্ঠিত কৰা হয় গুৰু প্ৰণাম আৰু সোঁৱৰণিৰ জংচনত হৃদয়ৰ আলাপ শীৰ্ষক এক বিশেষ অনুষ্ঠানৰ। নিশা বিদ্যালয় খনৰ প্ৰাক্তন শিক্ষাৰ্থী সকলৰ দ্বাৰা বাৰেৰহনীয়া সাংস্কৃতিক অনুষ্ঠানৰ কাৰ্যসূচীৰে ৰূপালী জয়ন্তী বৰ্ষ উদযাপনৰ শুভাৰম্ভণী অনুষ্ঠানৰ অন্ত পৰে।