ৰূপালী জয়ন্তী উদযাপনৰ দ্বিতীয় দিনা অৰ্থাৎ ৪ জানুৱাৰীত গোলাঘাট নগৰৰ বিভিন্ন শিক্ষানুষ্ঠানৰ লগতে গোলাঘাটৰ বিভিন্ন সামাজিক সাংস্কৃতিক অনুষ্ঠানৰ দ্বাৰা বাৰেৰহনীয়া সাংস্কৃতিক শোভাযাত্ৰা উলিওৱা হয়। এই শোভাযাত্ৰা  আনুষ্ঠানিক ভাৱে মুকলি কৰে গোলাঘাটৰ সন্মানীয় জিলা আয়ুক্ত পুলক মহন্তই। শোভাযাত্ৰাত গোলাঘাট জাতীয় বিদ্যালয়ৰ প্ৰাক্তন শিক্ষাৰ্থী আৰু অভিভাৱক সকলেও সক্ৰিয় অংশগ্ৰহণ কৰে। ইয়াৰ পিছতে এক বিশেষ সম্বৰ্দ্ধনা অনুষ্ঠানৰ আয়োজন কৰা হয় য'ত বিদ্যালয় খনলৈ বিভিন্ন অনুদান আগবঢ়োৱা তথা বিদ্যালয়খনৰ শৈক্ষিক উত্তৰণত অৱদান আগবঢ়োৱা ব্যক্তিসকল আৰু তেওঁলোকৰ পৰিয়ালবৰ্গক বিশেষ সম্বৰ্দ্ধনা জ্ঞাপন কৰা হয়। দ্বিতীয় দিনাৰ কাৰ্যসূচীৰ সামৰণি পৰে বিদ্যালয় খনৰ উচ্চ শাখাৰ ছাত্ৰ ছাত্ৰী সকলৰ দ্বাৰা পৰিবেশন কৰা সাংস্কৃতিক অনুষ্ঠানেৰে।